بمناسبة السنة الجديدة .. يلا نضحكّـو شوية

يلا نـضحــّـكـّـوووووو

شويــة

بمناسبة السنة الجديدة

و كمان بمناسبة دخول الحجاج الفلسطينيين لغزة

حقيقى كان أحلى خبر سمعته من فترة طويييييلة

..للعلم..

أنا كتبت التدوينة دى و بعدين اتمسحت خطـأ

ً بعد ما أتممتها كاملة

و لكن لأنى أنوى منها خيرا

و هو إدخال البسمة على وجوهكم

فإنى سأقوم بتأليفها مرة أخرى

فلم أكن قد سجلتها أو كتبتها أو حفظتها

عن ابن عباس رضي الله عنهما

ان رسول الله صلى الله عليه وسلم قال

( إن أحب الأعمال الى الله تعالى بعد الفرائض

ادخال السرور على المسلم ) أخرجه الطبراني باسناده

واسنادا عن عائشة رضي الله عنها قالت

قال رسول الله صلى الله عليه وسلم :

(( من ادخل على اهل بيت من المسلمين سرورا

لم يرض الله له ثوابا دون الجنة ))

وقد وصلتنى الرسالة عبر الإيميل

و كانت مكتوبة باللهجة الخليجية فعملت لها

Editing

& Modification

& Translation into

Egyptian

و طبعا أضفت تعليقاتى المتميزة دائما

اللهم زدنى تواضعا

hhhhhhhhhh

أترككم مع البوست

و أوعدكم انكم هتبتسموا

---

---

يلا جاوبووونى

ليه لما بطارية الريموت كنترول تضعف

تقعد سعادتك تدوووس جااامد على الزراير

يا عم ارحم الزراير هى مالها ؟؟

قوووووم غير الحجارة

ده ايه تعب القلب ده ؟؟

طب ليه لما تكون راكب عربيتك

و تخش بيها ف حتة غلط

تقوم توطى مسجل العربية أو الراديو ع الآخر ..؟؟

مش غريبة شوية ؟؟

بتسالنى أنا ليه اسأل نفسك

طب هقولك

لما بتكون جوة البيت و السما بتمطر

تقوم سعادتك تسأل سؤال منطقى جدا

هو السما بتمطر برة ؟؟؟

لأ يا فالح بتمطر جوة الصراحة

و لا لما تلاقى مكتوب ع الحيطة

(( احترس من الدهان ))

متصدقش إلا لما تحط صابعك ع الحيطة

و تتعااااااااااص يعععععععععع

و تقول آه فعلا مدهونة آه

يا عم يعنى لازم يكتبولك ع الحيطة

(( أقسم بالله . و الله العظيم. احترس من الدهان ))

ده حاجة تنقط و الله

طب لما تخش بعربيتك موقف فاضى

مفيهوش غير عربية واحدة راكنة هناااااك

تقوم سايب الموقف كله و راااااااااااايح تركن وراها

يا عم مخك شوية

مش عاجبك كلللللللللل ده ؟؟

خلاص حبكت ورا العربية الغلبانة ؟؟

لأ و لما الأسانسير يتأخر عليك شوية

تفضل تدووووووووس على الزرار

قال يعنى لما تدوس 10 مرات هينزل الأسانسير جررررررررررررررررى

إيه و إيه بقة لما تكون واقف مستنى الأسانسير ينزل

و ييجى واحد يركب الأسانسير هو كمان

تلاقيه ييجى يدوس على الزرار

انت يا عم انت أنا مش مالى عينك ؟؟؟؟؟؟

مش فيه حِـــيوان واقف قدامك ؟؟

و لا أنا واقف م الصبح مستنى سعادتك تيجى

عشان تدوسلى على الزرار أحسن بقرف ؟؟؟

يا عم دا ناس تنقط

و انتى يا طنط

عاوز أفهم لما بتأكلى النونو بتاعك

بتفتحى بقك ليه ؟؟؟

يلا يلا يلا هممممممممم يا قرد

قصدى يا جمل

يا ستى اقفلى بقك متفضحيناش

و لا لما تقوم من النوم

بتبقى هتمووووووووووت تنام كمان 10 دقايق

قال يعنى الـ 10 دقايق هتعدل المايل

ما انت نايم ليل و نهار

خلاص يعنى ؟؟؟؟

و لما تخلص كباية الشاى

تقوم تقعد تبحلق فيها قوى

تشوفها خلصت و لا لسة فيها حبة

يا ناس بطلو البخل اللى ع الصبح ده

لأ و الأعجب

تبقى قاعد فى المترو و لا الميكروباص

و تلاقى موبايل رن

تقوم جررررى تحط ايدك على جيبك

و انتى تبصى ع الشنطة اللى فيها الموبايل

قال يعنى انت مهم قوى و بسبس مان

ده الغريب ان الرنة مش بتكون رنة موبايلك

و بررررررررضه بتحط ايدك على جيبك

و أحيانا تطلع الموبايل تبص فيه كمان

لأ و لسة

تسمح تقول لى انت مبتسم قوى كدة ليه ؟؟؟

متحاولش أنا شايفك

هههههههههههههههه

و هو ده سبب كتابتى الموضوع فى الأصل

أتمنى أكون قدرت أدخل عليك السرور

أدام الله بسمتك

و جمعنى بك فى جنات و نهر

فى مقعد صدق عند مليك مقتدر

د.حمــــــاس