الحب ثم الحب
طبعا باين عليا كدة عاشق ولهان
ايه اللى موراهوش إلا الحب ده ؟؟
ماله بالظبط ؟
سيبكو من التعليقات دى و كملوا معايا للآخر
بقول برضه إن الحب وراء كل فعل فى الحياة
إذا فتشت عن أى عمل بتعمله و لو بسيط أو روتينى ... هتلاقى أساس الإقدام على العمل هو الحب
طب ازاى يعنى ؟؟؟
متسألش ازاى .. خد الكلام و خلاص انت مش مصدقنى
طب هخليك تصدقنى
هسألك و جاوبنى
انت بتصلى فى أنهو مسجد ؟؟
- فى المسجد الفلانى
طيب اشمعنى ده بالذات ؟؟
- الإجابة هتتنوع لكن كلها أصلها حب
حب شئ معين
إما بتحب المسجد و شكله و بترتاح فيه نفسيا فبتروح ده بالذات رغم انه ممكن يكون بعيد عن بيتك
أو بتحب أشخاص معينة بتحبهم فبتصلى معاهم
أو صوت اللى بيصلى جميل و انت بتحب تسمع قراءته
أو مش ده كله بس فيه مجموعة بتحبها و عاوز تساعدهم اكتر على التدين فبتصلى معاهم للهدف ده حبا للأشخاص دول أو حبا لأنك تهدى ناس إلى الله أو حبا لدعوتك جدا أو حبا لكل ده مع بعضه
طيب روحت تصلى فى مسجد تانى
لنفرض ان انت هتشترى حاجة فرايح تصلى فى المسجد اللى جنب المكان اللى هتشترى منه
-شوفوا المثل بعيد ازاى- ماله و مال الحب ؟
أقولك
يا إما هتشترى حاجة بتحبها
لو مش بتحبها أو هتشترى حاجة لحد بتحبه زى والدتك أو والدك
لو مش حد بتحبه -زى واحد مريض هتشترى له حاجة-يبقى هتجيبها له حبا فى طاعة الله
أو حبا فى الكرم
أو حبا فى المروءة
لااااااااااازم الجذر يكون (( حب ))
للتكملة.....
3 تعليقات الأحباء:
جميل يا دكتور
اسلوبك بيفكرني بابن توفيق
خيرا ربنا يكرمك ويزيدك
فعلا الحب اساسا كل شيء
أكرمك رب العالمين أخى الكريم
و جمعنا فى رضوانه
د.حمــــاس
السلام عليكم
صح و صح صح
كلامك فعلا صح
انا حاولت اثبت العكس يعني
منفعش
:D
لازم اساس كل حاجة الحب
تحياتي و تقديري لك
:)
إرسال تعليق